Virus
'Virus
Virus (lingua siciliana - vernacolo messinese)
È nu cunfini signatu cu palori amari
'a mancanza dû nun putirisi tuccari.
'U stissu celu, chi supra nui abbrucia
addiventau 'a solitudini dâ nostra firucia.
Ô matinu nun sai cu è signatu dâ morti
o cu è macari vasatu dâ bona sorti.
C'è cu nun pò vidiri mancu l’arba:
putissi tuccari puru a mia sta morti sciarba!
Lu dimoniu, sazziu 'i caura cicuta
sta câ so' fauci a latu 'i sangu tinciuta.
'A morti poti essiri a tutt'i parti:
intra 'u spitali, 'nte vari reparti,
'nta na ghica 'i nu viecchiu cappottu,
mancu fussi chiddu 'i nu poviru munattu.
Puru 'nta li sordi ca maniamu,
o supra chiddu ca cattamu e manciamu.
'U 'nfami firmau tuttu cû so' mali,
scafazzannu 'a stissa ecunumia mundiali.
Li strati, lestu lestu, si svacantaru,
puru li animi puttroppu s’astutaru!
Nun si sentunu dî picciriddi cchiu i vuci
ca griranu mentri jocanu sutta 'a luci.
Vidu ca ogni jornu sti nummura crisciunu
e ca maschira i cristiani s'addurmisciunu.
'U putiri si pigghiau 'a nostra libirtà
dicennu palori cummigghiati ‘i umirtà
Iucannu a fari Diu, l'omu 'a so' facci pirdiu,
ma ‘u stissu c'avi a purtari 'u cuntu 'i zzò ca vinniu
e si 'nta stu mentri circau 'i truvari na soluzzioni
c'avirrà a dari sempre tanti spiegazzioni.
Pubblicazioni
Premi
2021 Premio letterario internazionale di poesia T.A.R.C.