'A rinascita (La rinascita)

di Giovanni Macrì

'A rinascita


(Lingua siciliana vernacolo messinese)

Dda nira notti, vigilia 'i Ferraustu
successi nu fattu, fu iautu lu custu.
Pâ forti botta 'nta l'aria fu lanzata
e comu nu saccu cadiu supra 'a strata.

Dô so' sangu 'a nira terra si tinciu
'a so' midudda netta 'nta dui si rumpiu.
Li so' iammi nun ebberu cchiu motu,
ristau certa sulu dô so' futuru ignotu

Casi vintidu'anni avia ddu iornu,
di contru ebbi tuttu l'amuri paternu.
Dâ so' cruci fici 'u beni 'll'autri.
Dâ so' forza fici chidda 'll'autri.

Senza iammi idda 'u stissu camina
'nta tutti l'agnuni câ so' carrozzina.
'Nto so' cori mai pirdiu 'a spiranza
miritannu successi cu pacenza.

'A carusa mai muddò, occhiu finu,
combattennu 'a battagghia cû distinu.
Futtennusinni, dici cu precisioni
cafuddannu supra tutti li dicisioni:

“Criri in tia stisso, criri 'nta to' enirgia
'nsaja d'affirrari i limiti cu armunia,
iapri 'a to' porta â filicità e vivi cu Amuri
pirchì chiddu ca resta è sulu… unuri!”



                        

Pubblicazioni

Premi

2021 Concorso "Sempre Io"

Note