'A Mamma (La Mamma)
'A Mamma
Mamma è 'a prima palora ca dicimu,
tu si 'u tisoru cchiu priziusu c'avimu.
A nui figghi mai ni lassasti 'nto 'n cantu
sempri abbirsati e prutetti dô to' mantu.
Ni sapisti dari 'u to' cori cu veru amuri
patennu privazioni, stenti e puru duluri.
Criscennuni, quantu ti ficimu 'mpazziri
pì purtarini a chiddu ca oji putemu diri.
Fimmina ca 'i ogni cosa t'annavi a privari
senza qualegghiè mai farini mancari.
Pì quantu tempu ti putria ancora 'ccarizzari
ora ca lu mali 'i ddu lettu ti voli strazzari.
Pì quantu putria cchiu godiri 'i to' surrisi
ora ca li me' occhi sunnu 'i lacrimi ‘ntrisi.
'U to' amuri n'insignau a viviri 'nta stu munnu
cu giustizzia e 'ill'autri rispettu prufunnu.
Ginucchiuni davanti sintirai sulu li me' palori
sunnu chiddi 'i nu figghiu ca ti vulissi dari 'u cori.
Uora sulu umbri scuri calanu 'nta me' strata
senza cchiu 'a certa prutizziuni dâ to' spata.
Tinn'annasti lassannuni orfani cu patimentu
'nta sta valli china 'i tantu strammamentu.
'I 'na cosa sula ni pozzu certu stari
chi, aunni tu si, nun starai a vardari
ni guirirai comu sempri hai fattu,
nu faru 'nta lu mari pì nenti chiattu,
e sempri tu sarrai pì nui 'u mudellu
'a vera riggina du nostru casteddu.
Pubblicazioni
Premi
2021 Concorso "Majje Dde le Defenze"