Fozas de una matessi rosa
Fozas de una matessi rosa
FOZAS DE UNA MATESSI ROSA
Proite ti devo odiare frade
si su ‘eranu, pro me e pro te, che a sempre est arrividu,
si sa mendula e sa cariasa, che a sempre, si sun imbianchidas,
si sa cara tua, in sa notte, che-i sa mia, no at colore,
si la luna, che a sempre, carignat donzi fiore appena nadu.
Nois semus fozas, frade, de una matessi rosa,
de una matessi vida, de una matessi morte.
Nois semus su lentore in sa rosa,
noi semus su sambene ‘e sa rosa.
Nois semus sa vida, frade, nois semus sa morte,
nois semus anghelos chi ‘olan abbrazzados,
nois semus sos mutantes colores de s’arcu ‘e chelu ‘e sos sonnios.
Noi semus sos sonnios frade,
eternamente sonnios,
eternament istellas
chi s’illughinan radiosas in su mare ‘e su destinu.
Su matessi destinu.
Nois semus sa vida, nois semus sa morte.
Proite ti devo odiare frade,
si su ‘eranu, che a sempre, est arrividu.
PETALI DI UNA STESSA ROSA
Perché odiarti fratello
se la primavera, per me e per te, come sempre è arrivata,
se i mandorli e i ciliegi, come sempre, si sono imbiancati,
se il tuo volto, nella notte, come il mio, non ha colore,
se la luna, come sempre, accarezza ogni fiore appena nato.
Noi siamo petali, fratello, di una stessa rosa,
di una stessa vita, di una stessa morte.
Noi siamo la rugiada nella rosa,
noi siamo il sangue della rosa.
Noi siamo la vita, fratello, noi siamo la morte,
noi siamo angeli che volano abbracciati,
noi siamo i cangianti colori dell’arcobaleno dei sogni.
Noi siamo i sogni fratello,
eternamente sogni,
eternamente stelle
che s’illuminano radiose nel mare del destino.
Lo stesso destino.
Noi siamo la vita, noi siamo la morte.
Perché odiarti fratello,
se la primavera, come sempre, è arrivata.
Premi
- Poesia vincitrice (Primo Posto) Premio internazionale di poesia Giuseppe Gioacchino Belli, 2009, Sezione dialettale, Roma